LISA SECILIA CUN BAND

Lisa Dermont ha 24 onns ed è creschida si a Rueun. Ella ha duas grondas passiuns, ina giada l’enviern, ses skis e la naiv e lura natiralmain la musica. Entschet a chantar ha Lisa cun 7 onns, l’emprim ha ella chantà classic, ma suenter era jazz e pop. La musica è adina stada fitg impurtanta per la matta che ha sunà saxofon, clavazin e trumbetta. Durant ses studis a l’exteriur en la China ha ella emprendì da sunar ukulele e cumenzà a scriver atgnas chanzuns. L’atun 2013 ha Lisa gì la chaschun da registrar Top Pop per il Radio Rumantsch. Actualmain studegia ella scienzas da la China a l’universitad da Turitg e spera ch’ella sappia mantegnair era en il futur la musica sco ina part da sia vita.